أهداء لمن أحب A

صادق الوعد



صادق الوعد لو دونك مسافة طويــلــة


داعي الحب يجبرني والبي نـــــــــداك


واتحدى الظروف اللي بوصلك بخيــلة


ما ترد الحواجز خطوتي عن لقـــــــاك


المصاعب على شانك تراها ذليلــــــــة


حطمتها مشاعر قلب عاشق رضـــــاك


كل مشتاق قلبه في المحبة دليلــــــــــة


أعطني صادق احساسك وروحي فداك

..........................
طاريك ... سعـــــــادتــي



ياشين حكي اسمعه ما فيه طاريــــك


لاشك أداري ضيقتي عند الأحبــــاب


وإن طالت الجلسة ومحدٍ حكى فيك


تروح لك كل المشاعر بلا حســـاب


وأعيد أذكرهم بسالف لياليـــــــــــك


قصدي أجيب لسيرتك عندي أسبــاب


ما عاد يسعدني ابد غير طاريــــــك


ولا عاد غيرك صار للقلب جــــذاب



.....................
أبنسى .. بس .. نسيانك !!


أبنسى .. لازم أنسى .. كيف أبنسى وانتي بعيني


على حد الرموش انتي واشوف الكون بعيانــــك


اببعد .. لازم أبعد .. كيف اببعد وانتي سنينــــي


أعيشك يا حياتي والضياع المر عنوانــــــــــك


عرفتك قبل أعرفك ساكنة في كل تكويـــــــــني


تغنين بحنان مسكنة في خافق انسانــــــــــــــك


خذي مجنون حرفي يا ( ... )..لا..كلي اخذيني


أنا اخاطب جنونك يا ( ... ) وريني جنونــــك


احس اني بدونك شئ اساسي ناقص فينــــــــي


واحس انك بدوني ناقصة وانا على شانـــــــك


ابيك وميت فيك وعلى الفرقا تحدينــــــــــــــي


بذرت الك الوفا واللي حصدته منك جحدانــــك


انا وشلون اببرى من صوابك وش يداوينـــــي


ياليت انك تجودي بالشفا واشفى من ادمانــــــك


شربتك من ضماي وجف وصلك في شرايينـــي


حضنتك بالعيون ومات همي بين ذرعانــــــــك


ابنسى .. لازم أنسى ؟ كيف أبنسى وانتي بعيني ؟


تبين الصدق أبنسى .. ايه أبنسى .. بس نسيانك



........................